"مسجات قويه" [الأرشيف] - :: مـنتديــــات ليـــالي قطر ::

ŅΆМӨĻΑ

15-09-2006, 03:33

أنا حظي على مثلك رماني..
حسافه كيف انا مثلك هويته..
اكيد الله امتحني وابتلاني..
واكيد اني مثل غيري عصيته..
اشوتك وارفسك لو هو مداني..
وابيعك انت ويا اللي شريته..
وبدعي للخفوق الي ابيكاني..
عسى ينسى مثل منت نسيته..
*********************************

وش صار يعني يوم عنك تخليت..
وش صار بالدنيا ترى مااختلف فيها شي..
لاتحسب اني في غيابك تأذيت..
انا مانبي بميت شوفني هذا انا حي..
بس تذكر انا الي عنك تخليت..

********************************

عمري خسرته ببلاش والسبب واحد من الناس،،
ظلمني وعن حياتي انحاش،، كنت اظنه فيه احساس،،
بانت حقيقته نذل وغشاش،،طلع انسان خالي من الاحساس،،
كم كان يقول الي يخونك ماعاش،،آخرها سقاني سم الافاعي في كاس،،
خلاني هدف الخيانه ،، عمري خسرته ببلاش،،
والسبب خاويت لي انسان خالي من الاحساس،،
***********************************************

انتهى كل شي حسافه،،بس لاتفكر الحسافه عليك،،
الحسافه على الوقت الي ضيعته فيك،،تحسبني ميت عليك؟!
صدقني تراك غلطان احبك انا قلتها صحيح،، بس ترى وش كثرها بهالزمان،،
هي كلمه مثلها مثل غيرها عند الناس،، صارت دايم تنقال،، اي نعم مني سمعتها،،
وانا اعترف بهالشي والله،، بس على فكره تراني اعتبرها زله لسان!!

***************************************************

لاتحسب يوم صديت عني بموت،،صدك يزودني عناد وتحدي،،
الحزن عمره مامضالي على صوت،، والدمع عمره ماجرى فوق خدي،،
رح وقول لخاطرك فاتك الفوت،،ولا من سأل قله عناد وتحدي،، انت فتره في حياتي
ليتني ماعشتها،، والحين روح مابيك واحتفظ في باقي اسرارك يمكن مع الوقت تكسب شي بغرورك،،
************************************************
هالمسج احبه واايد هههه..

شاطر وابشر بصفق لك على الدور الي لعبته معاي،،
ذكي واغبى غبي شافته عيني،، تظن بلعبة الحب فزت بهواي؟!،
لا صحصح افكارك،، خسرت اغلى شي عشته بينك وبيني،،
سافر من قلب لي قلب والعب وخون مصيرك تتمنى رضاي اللي فقدته
يااغبى غبي بطيشك وغدرك فيني،، الحين اضحك وعيش حياتك بس تذكر لحظه وفاي،،
تذكر دمعي ، تذكر آهاتي وونيني،، لكن اليوم خساره فيك الدمعه خساره فيك بكاي،،
بترجع واقولك ذكي واغبى غبي شافته عيني..

************************************************

من راح بكيفه وكيفه يوديه،، خله على كيفه وكيفه يجيبه،،
الي يصد وهاقي اني بناديه اقطع لساني لو يحكي به،،
الي يصد وشاف جرحي يسليه عندي حضوره شبيه لمغيبه،،
كأنه مريض ويحسبني بداويه الموت ارحم له فلاني بطبيبه..

***************************************************

تحسب ان بجي عندك حبيبي وانحني لرضاك ورب الكون ذا بعدك ولا يمكن اسويها،،
انا طبعي عزيز النفس مهما دارت الافلاك،،بمشي نفسي بكيفي ابد ما أحد يمشيها،،
محبه ما أبي منك محبه لو تجي برضاك ابلعنها وبلعن كل شخص لي يطريها.,.

************************************************

لاتنصدم اذا قلت اليوم مابيك القلب عافك وانتهى اليوم دورك،،
اعميتني بحبك عسى الله يعميك،، ورميتني ياشين بأعمق بحورك،،
بالله توكل لا تجيني ولا اجيك يالله حبيب امك قوم رتب امورك..

**************************************************

يجيلك يوم تذكرني تبي تسمع صدى صوتي برد لك الجرح جرحين،،
وتذكر بعدها جروحي انا ماينحني راسي كبير لو على موتي،،
ماعاش واحد بالدنيا ابرخص لجله جروحي،،
عند الكرامه ابيعك وانت خابرني ماعمر احد راح بكيفه وناديته،،
ان كان قصدك هجر اهجرني ابوي لا صد ماترجيته,,,

************************************************
انهنت في حبك وانا حر ماانهان والحر مايرجع لشخص يهينه!
والله احبك حب والقلب ماخان حافظ عهود الحب يومك تبيه؟
بس للأسف..
ماقدر على حب خوان يمشي يشيل اسمي وبكره يهينه!
وانشاءلله ينالون على اعجباكم :p

فـزعة قـطر

15-09-2006, 04:01

يعطيج الف عافية اختي وماقصرتي

وانشاءاللة نشووف المزيد من ابداعاتج الجميلة

تقبلوو مروري

فزعة قطر

* خيالة العليا *

15-09-2006, 15:22

نمولة

تسلمين على المسجات القوية

وسلمت يدك عزيزتي

وننتظر جديدك:big (9):

ŅΆМӨĻΑ

21-09-2006, 01:44

فزعه قطر وو خياله..
الله يعافيكم..
ومشكورين على الرد والمرور..
ولاتحرمونا من طلتكم على المواضيع..

******
ابن سبأ: الزين فيك قلت لهم شكرا على المرور قبلي خخخخخ

27-09-2006, 21:02

تسلمين يالغاليه على المسجات الحلوه

يعطيج ربي الف عافيه غناتي هع

ŅΆМӨĻΑ

02-10-2006, 17:48

الله يسلمج ويعافيج..
وتسلمين على المرور..
نورتينا بطلتج:)

~[ نبض الأحاسيس ]~

02-10-2006, 17:58

مسجـات واايد حــلوه

يسلمووو نموله ع المسجات .

لاهنتي :)

ŅΆМӨĻΑ

02-10-2006, 18:04

الله يسلمج قلب قطر..
الاحلى مرورج يالغاليه,,
نورتينا بطلتج..